குவைத் சில தகவல்கள்

• மத்தியகிழக்கு நாடுகளில் சவூதிஅரேபியா, ஈராக்கிற்கு அடுத்தப்படியாக பெட்ரோல் அதிக உற்பத்தி செய்யும் நாடு குவைத். இதன் தெற்கில் சவூதிஅரேபியாவும், வடக்கிலும் மேற்கிலும் ஈராக்கும் எல்லையாக அமைந்துள்ளது.

• குவைத் நாட்டை தவ்ளத் - அல் - குவைத்  என்றும் அழைக்கப்படுகிறது. இதற்கு செல்வம் நிறைந்த கோட்டை என்று அர்த்தம்.

• குவைத் நாட்டு நாணயத்தின் பெயர் தினார் ஆகும். ஒரு தினார் என்பது 1000 ஃபில்சுகளாகும். இது உலகின் அதிக மதிப்புடைய நாணயம் ஆகும். ரூபாய்க்கு மாற்றாக 1961ம் ஆண்டு தினார் அறிமுகப்படுத்தப்பட்டது.

• குவைத் நாட்டின் மக்கள் தொகை 35லட்சம் ஆகும். இவர்களின் சுமார் 20 லட்சம் பேர் வெளிநாட்டினர். இந்நாட்டின் ஆட்சிமொழி அரபு மொழியாகும்.

• குவைத் நாட்டின் தலைநகரம்  குவைத் நகரம் (Kuwait City)  ஆகும். அரபுமொழியில் மதினத்துள் குவைத் என அழைப்பர். ஆங்கிலத்தில் Persian sea   என அழைக்கப்படும் பாரசீக வளைகுடா கடலின் கரையில் அமைந்துள்ளது.

• 1961 - ஜூன் 19 குவைத் ஐக்கிய இராச்சியத்திடம் (இங்கிலாந்து) இருந்து விடுதலையை அறிவித்தது.

• மத்தியகிழக்கு நாடுகளிலேயே வழுவான பாராளுமன்றம் கொண்ட நாடு குவைத்தாகும். இதன் பெயர் மஜ்லிஸ் அல் உம்மா ஆகும். இந்நாட்டின் அரசு அரசியலமைப்புச் சட்ட முடியாட்சியாகும். குவைத்தின் அமீராக சபாஅல்  அஹமது அல்ஜாபர் அல்சபா 2006ல் இருந்து ஆட்சி செய்து வருகிறார்.

• இந்நாட்டின் மொத்த வருவாயில் 95 சதவிகிதம் எண்ணெய்யின் மூலமே கிடைக்கிறது.

• 2011-12 ஆம் ஆண்டு 47 பில்லியன் டாலர் நிதி ஒதுக்கி பட்ஜெட்டில் சாதனை செய்தது.

• குவைத் அதன் குடிநீர் தேவையைப் பூர்த்தி செய்ய கடல்நீரை குடிநீராக சுத்திகரிப்பு செய்கிறது.

• குவைத் நாட்டின் காலநிலை விவசாயத்திற்கு ஏற்றது அல்ல. அது தனது உணவு தேவைகளுக்கு வெளிநாடுகளில் இருந்து இறக்குமதி செய்கிறது.