குவைத் பெரிய மசூதி: புகைப்படங்கள்

குவைத் நாட்டிலேயே மிகபெரிய மசூதிகுவைத் நகரத்தில் உள்ளது. இதன் பெயர் மஸ்ஜித் அல் கபீர் ஆகும். இதற்கு தமிழில் பெரும் மசூதி என்று அர்த்தம். 20,000 சதுரமீட்டர்களை உள்ளடக்கிய பள்ளியின் கட்டிடம் அதன் வெளிபகுதியில் 45,000 சதுரமீட்டர்களாக பரவியுள்ளது.

1979ம் ஆண்டு ஒரு கோடியே முப்பது லட்சம் குவைத் தினார் செலவுகளில் ஆரம்பிக்கபட்ட இந்த
மசூதி 1986 ஆண்டு குளிரூட்டப்பட்ட வசதிகளுடன் கட்டி முடிக்கப்பட்டது.

ஒரு குவிமாடம் மற்றும் ஒரு மினாரா கொண்டுள்ள இந்த மசூதியில் 21 மரகதவுகளும், 144 சன்னல்களும் உள்ளது.

மசூதியின் வடமேற்கு திசையில் அமைந்துள்ள மினாராவின் உயரம் 74 மீட்டர்கள்.

மேலும் இஸ்லாமிய ஆவணங்கள் மற்றும் புத்தகங்களுடன் 3,800 சதுரஅடியில் நூலகம் ஒன்றும் அமைக்கப்பட்டுள்ளது.

தொழுகையில் ஈடுபட வருபவர்களின் ஏராளமான வாகனங்களை நிறுத்த போதுமான பார்கிங் வசதியும் உள்ளது.

ஆண்கள் மற்றும் பெண்கள் என தனிதனி வசதி கொண்ட இந்த பள்ளியின் கொள்ளவு சுமார் 15,000 ஆகும்.  ஆனால் புனித ரமலான் மாதங்களின் இரவுநேர சிறப்பு தொழுகையில் சுமார் ஒரு லட்சத்து ஐம்பதாயிரத்திற்கும்  அதிகமான பக்தர்களை தொழுகையில் ஈடுபடுத்த முடியும் என்பது குறிபிடத்தக்கது.

காட்சியகம்:

மசூதியில் அமைந்துள்ள குவிமாடத்தின் உள்பகுதி

மசூதியின் உள்புறத் தோற்றம்

மஸ்ஜித் அல் கபீர் வெளிபுற தோற்றம்

மசூதியில் பக்தர்கள் தொழுகையில் ஈடுபடும் காட்சி

மசூதியின் முற்றம்

இரவு நேரத்தில்

கொள்ளவையும் தாண்டி மசூதியின் வெளிபுறத்தில் பக்தர்கள்